حي على التطبير

زينب قدوة العشاق
ورسمت منهج الأبطال
تصدت والله للظلام
تحدت وأخرست أنذال
زينب خطت الفتوه
لمن شجت بمحمل
واحنه نطبر بقامات
واسمنا عدها يتسجل
***

المؤذن بالفجر يصدح
يصيح الله أكبر
واحنا نردد ونهتف
قد أفلح من طبر
على خير العمل حي
بولاية علي حيدر
بدمنا نزلزل الأرجاس
ونتحده جيوش الشر
***

دمنا مو سبب تأخير
دمنا يأسس الإصلاح
دمنا ثوره فكريه
بوجه كل غادر وسفاح
ميهمنه شتقول الناس
نطبر هامه بالمصباح
وإذا تتنجس الأبدان
دمنا يطهر الأرواح
***

البعض يهذي يهالوادم
بمحاضرته خطر الإعلام
ويتهجم على التطبير
يقول يشوه الإسلام
نقله اخرس واسكت
انته مزور وهدام
وعمامه إل على راسك
بيها تستر الآثام
***

مو بس حرمله الظالم
سدد سهم للمظلوم
انته بهالزمن والله
تصوبه بفكرك المسموم
مو احنا الذي يهمنه
حجي كلمن يريد يلوم
وشرعنا يا عدو الله
مو عاللايمين يقوم
***

بفضل الحسين أبو اليمه
البعض صيته وصل الأسماع
لجنهم يا وسف خانوه
وصاروا للشمر أتباع
بعضهم يمدح الظلام
بعضهم غرته الأطماع
بعضهم حارب التطبير
بعضهم ينكر الأضلاع
***

قائدنه علي الكرار
مو كلمن لبس عمه
مو من بالسياسة اليوم
تنصب والي للأمة
بس المصطفى وآله
الباري انطاهم العصمه
يريت بحب علي استشهد
ويحفرولي قبر يمه
***