يا مسموم

الدمع يجري
وكيف يسري
نعشك في حال فضيع
قاصدا لأرض البقيع
يا مسموم
***

خدامك كلنا تعنينه بهاليوم
شيعه وجينه نواسي حسين المظلوم
يمه قعدنا وشفنه القبر المهدوم
بجينه وزينب تجري العبره ودموم

ضيوفك احنا وزوار
يبن الساده الأطهار
يبن النبي
يبن الولي
يا مضيفا لكل شيعي
قاصدا لأرض البقيع
يا مسموم
***

لجلك يحضر هاليوم صغير وكبير
اعليك نصلي بعبره ويعله التكبير
قلوب الشيعه لنعشك تحمل وتسير
وما تعلم يم جدك شنهو الي يصير

وصيت حسين هناك
ما يسفك دم عداك
لو للشقيه
جاءت أميه
ابتعد عن قبر الشفيع
قاصدا لأرض البقيع
يا مسموم
***

لمن جابوا نعشك يم المختار
طلعت حرمه وطلعوا وياها أشرار
وحين الصوب نعشك نبل الكفار
بهاي الحاله ذكرنا اليوم المسمار

منعوا ركب الإيمان
صابوا عدل القرآن
حقد تسجل
والركب يرحل
بعد ذاك الخطب المريع
قاصدا لأرض البقيع
يا مسموم
***

طه وحيدر وامك لمن شافوك
بالدم مخضب وعداكم حاطوك
نزلوا يمك لطم صدر وشالوك
نصبوا مأتم ويه حسين ودفنوك

لجلك نزلت أملاك
صارت تبجي وتنعاك
واليوم يأتي
عليك يبكي
جبرئيل مع الجموع
قاصدا لأرض البقيع
يا مسموم
***

واحد يقضي بسم وواحد بسيوف
واحد يم البضعه وواحد بطفوف
يا مولانا وحاطت الحسين ألوف
وظهره تكسر لمن قطعوا الجفوف

وزينب تلطم عالراس
تنعه حسين وعباس
تنعى الأطائب
من آل غالب
طرفها يرنو بالدموع
قاصدا لأرض البقيع
يا مسموم
***

أهل النصب الحاطت بيكم بالجور
منعونه نوصل يم قبرك ونزور
ولمن شفه الطغمه الكسرت الكبور
ذكرنا الزهره ذكرنا الضلع المكسور

نبجي وتجري العبرات
منا وتعله الآهات
اليوم نذكر
جيشا تجبر
جيش ذاك الرجس الوضيع
قاصدا لأرض البقيع
يا مسموم
***