بيعة وبراءة

أبايع حيدر الكرار
واهني عترة المختار
ومن اعداهم أتبره
***
ابميقات العشق أحرم
وأحج بروضة الأطهار
أطوف بكعبة أشواقي
وأسعى ما بين الأنوار
أنحر بالفرح همي
واروه بأعذب الآبار

أبيت بعالم احساسي
وأحلق حزني من راسي
وارمي العده بالجمره
***

حيدر نصبه المعبود
رغم أنف الضلالة اليوم
تم ببيعة الكرار
دين الواحد القيوم
تشرب شيعته الكوثر
عدوانه تعب زقوم

ننصب محفل البشره
نهني طه والزهره
ونحمد ربنا ونشكره
***

حيدر حجة الباري
حيدر آية الرحمن
حيدر وارث الهادي
حيدر محور الأكوان
حيدر رجف الأبطال
حيدر قالع البيبان

باب الي قلعه بخيبر
باب ابقلبي يتنطر
وباب الجنة الخضره
***

نفدي حيدر بدمنه
ولجله نرخص الأرواح
والوالى علي الكرار
بالمحشر يظل مرتاح
ولجنة عدن يدخل
حبه للعدن مفتاح

قسيم الجنه والنيران
شافع للإنس والجان
وساطع بالحشر نوره
***

روافض احنا ورفضنا
كلمن حاربوا حيدر
كلمن سلب حقوقه
وضلع الطاهره كسر
كلمن يتبع العدوان
ومصاب الضلع ينكر

أبغض كلمن يعادي
آل المصطفى الهادي
والعنهم ألف مره
***

أهل النصب قالولي
كافر انته وملحد
أفخر بالكفر لو صار
بولاية علي محدد
حيدر قبلة الخلاق
وانادي بإسمه وأتعبد

يخسه الناصبي الخوان
حيدر حبه الإيمان
ويمته نقصد لقبره
***